لیہ: کوٹ سلطان کے قریب پیر جگی روڈ پر بھٹہ والا سکول کے مقام پر دو موٹر سائیکلیں آپس میں ٹکرا گئیں، حادثے کے نتیجے میں 60 سالہ فقیر محمد جاں بحق جبکہ 30 سالہ صابر حسین زخمی ہو گیا۔
ریسکیو 1122 کے مطابق ابتدائی اطلاعات میں حادثہ اوور اسپیڈنگ کے باعث پیش آیا، مخالف سمت سے آنے والی دونوں موٹر سائیکلیں آپس میں ٹکرا گئیں۔ حادثے میں فقیر محمد کے سر پر شدید چوٹ آئی اور وہ موقع پر ہی جاں بحق ہو گیا، جبکہ صابر حسین کے سر پر چوٹ لگی اور کان، ناک اور گلے سے خون بہنے کے باعث زخمی ہوا۔
اطلاع ملنے پر ریسکیو 1122 کی ٹیم فوری طور پر موقع پر پہنچ گئی اور زخمی کو ابتدائی طبی امداد فراہم کی۔ بعد ازاں زخمی صابر حسین کو مزید علاج کے لیے ٹی ایچ کیو ہسپتال کوٹ سلطان منتقل کر دیا گیا۔
ریسکیو اہلکاروں نے جاں بحق شخص کی میت کو ضروری کارروائی کے لیے متعلقہ حکام کے حوالے کر دیا۔
