لیہ: ڈپٹی کمشنر آصف علی ڈوگر نے لاری اڈا میں جاری ری ویمپنگ کے کام کا تفصیلی معائنہ کیا اور تعمیراتی، تزئین و آرائش سمیت مسافروں کو فراہم کی جانے والی سہولیات کا جائزہ لیا۔ انہوں نے متعلقہ افسران کو کام کی رفتار مزید تیز کرنے اور تعمیراتی کام اعلیٰ معیار کے مطابق مکمل کرنے کی ہدایت کی۔
ڈپٹی کمشنر آصف علی ڈوگر نے کہا کہ لاری اڈا شہر میں داخل ہونے والے مسافروں کے لیے ایک اہم مقام اور شہر کا آئینہ ہوتا ہے، اس لیے اس کی خوبصورتی، صفائی ستھرائی اور مسافروں کو بہتر سہولیات کی فراہمی پر خصوصی توجہ دی جا رہی ہے۔ انہوں نے ہدایت کی کہ ری ویمپنگ منصوبے کے تمام کام مقررہ معیار کے مطابق جلد مکمل کیے جائیں تاکہ شہریوں اور مسافروں کو بہتر ماحول اور سہولیات میسر آ سکیں۔
بعد ازاں ڈپٹی کمشنر نے مریم نواز سپورٹس ارینا لیہ کا بھی دورہ کیا اور وہاں جاری تعمیراتی کام کا معائنہ کیا۔ انہوں نے منصوبے کے مختلف حصوں میں جاری کام کی پیش رفت کا جائزہ لیتے ہوئے متعلقہ حکام کو ہدایت کی کہ تعمیراتی کام کو مقررہ مدت میں مکمل کیا جائے اور معیار پر کسی قسم کا سمجھوتہ نہ کیا جائے۔
ڈپٹی کمشنر نے کہا کہ مریم نواز سپورٹس ارینا کی تکمیل سے شہریوں، نوجوانوں اور بچوں کو جدید کھیلوں اور تفریحی سہولیات میسر آئیں گی اور انہیں صحت مند و مثبت سرگرمیوں کے بہتر مواقع حاصل ہوں گے
انہوں نے کہا کہ وزیراعلیٰ پنجاب مریم نواز شریف کے وژن کے مطابق شہریوں کو بہتر سہولیات کی فراہمی، شہر کی خوبصورتی اور نوجوانوں کے لیے جدید کھیلوں و تفریحی مواقع پیدا کرنے کے لیے ترقیاتی منصوبوں پر خصوصی توجہ دی جا رہی ہے۔
