لاہور: پاکستانی اداکارہ زارا نور عباس نے اپنی والدہ اور سینئر اداکارہ اسما عباس کے ساتھ دلکش ڈانس کی ویڈیو سوشل میڈیا پر شیئر کردی، جسے مداحوں کی جانب سے بھرپور پسند کیا جا رہا ہے۔
وائرل ہونے والی ویڈیو میں زارا نور عباس اور اسما عباس روایتی لباس میں ایک ساتھ رقص کرتی دکھائی دے رہی ہیں۔ ماں بیٹی کی خوبصورت جوڑی اور ان کی پُرکشش پرفارمنس نے سوشل میڈیا صارفین کی توجہ حاصل کرلی۔
زارا نور عباس نے ویڈیو کے ساتھ اپنی والدہ کے ساتھ خصوصی تعلق اور نسل در نسل منتقل ہونے والی محبت کے حوالے سے ایک جذباتی پیغام بھی شیئر کیا، جس نے ویڈیو کو مزید خاص بنا دیا۔
اداکارہ نے انسٹاگرام پر شیئر کی گئی ویڈیو میں اپنی والدہ اسما عباس کے ساتھ معروف موسیقار اے آر رحمان سمیت دیگر فنکاروں کے گانے پر رقص کیا۔ ویڈیو پر مداحوں نے محبت بھرے تبصروں کے ذریعے ماں بیٹی کی جوڑی کو سراہا۔
