موسی خیل کوئٹہ میں گاڑیوں سے اتار کر قتل کیے جانے والے 23افراد میں لیہ کے 4افراد شامل

لیہ(لیہ ٹی وی)موسی خیل کوئٹہ میں گاڑیوں سے اتار کر قتل کیے جانے والے 23افراد میں لیہ کے 4افراد شامل،چار افراد میں سے دو سگے بھائی تھے،علاقوں میں سوگوار ی طاری،قتل کئے جانے والوں میں محبوب حسین ولد شیر محمد سکنہ چک نمبر 140 TDA لیہ، اللہ بخش ولد نظام دین سکنہ ،چک نمبر 165 TDA لیہ ، محمد ضمیر ولد غلام قاسم سکنہ چک نمبر 125 TDAلیہ، غلام مرتضی ولد غلام قاسم سکنہ چک نمبر 125 TDA لیہ شامل ہیں ان میں سے ،ضمیر حسین ولد غلام قاسم سکنہ چک 125 ٹی ڈی اے لیہ ایک ڈالا ڈرائیور تھے جو بلوچستان سے سبزیاں، پھل اور ٹماٹر لا کر ڈی جی خان، تونسہ ، ملتان اور لیہ کی منڈیوں پر بیچا کرتا تھے، تین چار دن قبل لیہ میں سیب لے کر آئے تھے اور بچوں سے مل کر گئے تھے اور اس بار اپنے ساتھ اپنے چھوٹے بھائی غلام مرتضی بعمر 20/22 سال کو ساتھ لے گئے اور ٹماٹر لوڈ کرکے آرہے تھے۔ رات گئے بچوں سے بات کی کہ وہ اس بار ان کے لیے کیلے اور سیب لے آئے گا۔ لیکن بعد رابطہ نہ ہوسکا اور دہشت گردوں کی گولیوں کا نشانہ بن کر دونوں بھائی جاں بحق ہوگئے مرحوم محمد ضمیر پسماندگان میں ایک بیوہ اور دو چھوٹے بچے بعمر 4۔5سال چھوڑ گئے۔

مقتول کے گھر کے مناظر،چھوٹے چھوٹے بچے