لیہ (نمائندہ لیہ ٹی وی) ڈپٹی کمشنر لیہ آصف علی ڈوگر نے گورنمنٹ کالج آف ٹیکنالوجی، گورنمنٹ ووکیشنل ٹریننگ انسٹی ٹیوٹ (وی ٹی آئی) بوائز اور گرلز کا دورہ کرتے ہوئے وزیراعلیٰ پنجاب مریم نواز شریف کے وژن کے تحت جاری فنی و تکنیکی تعلیم کے فروغ کے اقدامات کا جائزہ لیا۔انہوں نے مختلف ورکشاپس، لیبارٹریوں اور تربیتی مراکز کا معائنہ کرتے ہوئے طلبہ و طالبات کو فراہم کی جانے والی عملی تربیت، جدید مشینری، تدریسی سرگرمیوں، صفائی، بنیادی سہولیات اور اساتذہ کی حاضری کا جائزہ لیا۔ ڈپٹی کمشنر نے متعلقہ افسران کو تعلیمی ماحول مزید بہتر بنانے اور سہولیات کی فراہمی یقینی بنانے کی ہدایت کی۔آصف علی ڈوگر نے کہا کہ وزیراعلیٰ پنجاب نوجوانوں کو جدید فنی مہارتوں سے آراستہ کر کے انہیں باعزت روزگار کے مواقع فراہم کرنے کے لیے انقلابی اقدامات کر رہی ہیں۔ انہوں نے اساتذہ پر زور دیا کہ وہ طلبہ کی عملی تربیت اور پیشہ ورانہ صلاحیتوں کو مزید نکھارنے پر خصوصی توجہ دیں۔بعدازاں انہوں نے گورنمنٹ گرلز ماڈل ہائی سکول کی پرانی عمارت، پڑاہ گراؤنڈ اور سول کلب کا بھی دورہ کیا۔
