لیہ : ڈپٹی کمشنر لیہ آصف علی ڈوگر کی ہدایت پر اے ڈی سی سوشل سروسز / سیکرٹری ڈسٹرکٹ ریجنل ٹرانسپورٹ اتھارٹی خضر ظہور نے مختلف روٹس پر چلنے والی گاڑیوں کی چیکنگ کی۔ اس موقع پر گاڑیوں کے روٹ پرمٹس، فٹنس سرٹیفکیٹس اور دیگر ضروری دستاویزات کی جانچ پڑتال کی گئی جبکہ ٹریفک قوانین اور مقررہ ایس او پیز پر عملدرآمد کا بھی جائزہ لیا گیا۔خضر ظہور نے متعلقہ عملے کو ہدایت کی کہ بغیر روٹ پرمٹ، فٹنس سرٹیفکیٹ کے بغیر اور ٹریفک قوانین کی خلاف ورزی کرنے والی گاڑیوں کے خلاف قانونی کارروائی عمل میں لائی جائے تاکہ مسافروں کا محفوظ سفر یقینی بنانے کے ساتھ ٹرانسپورٹ نظام کو مزید منظم بنایا جا سکے






