لیہ:وزیراعلیٰ پنجاب مریم نواز شریف کے عوام دوست وژن کے تحت اوپن ڈور پالیسی پر عملدرآمد جاری ہے۔ اس سلسلے میں ڈپٹی کمشنر آصف علی ڈوگر نے اپنے دفتر میں شہریوں سے ملاقات کی اور ان کے مسائل و شکایات توجہ سے سنیں۔ انہوں نے متعلقہ افسران کو شہریوں کی درخواستوں پر فوری کارروائی اور مسائل کے حل کے لیے ضروری ہدایات جاری کیں۔ڈپٹی کمشنر نے کہا کہ وزیراعلیٰ پنجاب مریم نواز شریف کی قیادت میں صوبائی حکومت عوام کو ان کی دہلیز پر ریلیف فراہم کرنے اور سرکاری اداروں تک آسان رسائی یقینی بنانے کے لیے عملی اقدامات کر رہی ہے۔ شہریوں کے مسائل کا بروقت ازالہ ضلعی انتظامیہ کی اولین ترجیح ہے۔ تمام افسران عوامی درخواستوں پر میرٹ کے مطابق فوری کارروائی یقینی بنائیں





