ٹورنٹو: فیفا فٹبال ورلڈ کپ 2026ء کے راؤنڈ آف 32 میں کرسٹیانو رونالڈو کی قیادت میں پرتگال نے سنسنی خیز مقابلے کے بعد کروشیا کو 1-2 سے شکست دے کر پری کوارٹر فائنل کے لیے کوالیفائی کر لیا۔ٹورنٹو میں کھیلے گئے اس دلچسپ مقابلے میں دونوں ٹیموں نے شاندار کھیل کا مظاہرہ کیا، تاہم پرتگال نے بہتر کارکردگی کی بدولت دو گول اسکور کرتے ہوئے کامیابی اپنے نام کر لی، جبکہ کروشیا صرف ایک گول کر سکا۔دوسری جانب راؤنڈ آف 32 کے ایک اور میچ میں اسپین نے یکطرفہ مقابلے کے بعد آسٹریا کو 0-3 سے شکست دے کر پری کوارٹر فائنل میں جگہ بنا لی۔اب فیفا ورلڈ کپ 2026ء کے پری کوارٹر فائنل میں یورپ کی دو مضبوط ٹیمیں، اسپین اور پرتگال، آمنے سامنے ہوں گی۔ فٹبال شائقین اس ہائی وولٹیج مقابلے کا بے چینی سے انتظار کر رہے ہیں، جہاں دونوں ٹیمیں کوارٹر فائنل میں رسائی کے لیے بھرپور مقابلہ کریں گی۔
