راولپنڈی(نمائندہ لیہ ٹی وی) بانی پاکستان تحریک انصاف اور بشریٰ بی بی کے اڈیالہ جیل اکاؤنٹس میں مجموعی طور پر 3 لاکھ روپے جمع کرا دیے گئے ہیں۔ذرائع کے مطابق مذکورہ رقم قیدیوں کے کھانے پینے، روزمرہ استعمال کی اشیاء اور دیگر ضروری اخراجات پورے کرنے کے لیے جمع کرائی گئی۔ جیل قوانین کے تحت قیدیوں کی ضروریات کے لیے ان کے ذاتی جیل اکاؤنٹس میں رقم جمع کرانے کی اجازت ہوتی ہے۔ذرائع کا کہنا ہے کہ یہ رقم بشریٰ بی بی کے وکیل رائے سلمان کھرل نے جیل انتظامیہ کے حوالے کی۔ جیل حکام نے قواعد و ضوابط کے مطابق رقم متعلقہ اکاؤنٹس میں منتقل کر دی ہے۔واضح رہے کہ جیل قوانین کے تحت قیدی اپنے اکاؤنٹس میں جمع شدہ رقم سے مجاز اشیاء اور ضروریات حاصل کر سکتے ہیں، جبکہ تمام مالی معاملات جیل انتظامیہ کی نگرانی میں انجام پاتے ہیں۔
