لیہ (نمائندہ لیہ ٹی وی) فتح پور روڈ پر اڈہ حسین آباد، تحصیل کروڑ کے قریب پیش آنے والے افسوسناک ٹریفک حادثے میں 9 سالہ کمسن بچی جاں بحق ہوگئی۔ ریسکیو 1122 کے مطابق اطلاع ملتے ہی امدادی ٹیم فوری طور پر موقع پر پہنچ گئی، تاہم بچی موقع پر ہی دم توڑ چکی تھی۔ابتدائی معلومات کے مطابق صبا دختر ضمیر دکان سے خریداری کے بعد واپس گھر جا رہی تھی کہ گلی کے موڑ پر ٹریکٹر ٹرالی کی زد میں آ گئی۔ حادثہ اتنا شدید تھا کہ معصوم بچی جانبر نہ ہو سکی۔ریسکیو اہلکاروں نے ضروری کارروائی مکمل کرتے ہوئے نعش کو ڈیڈ باڈی شیٹ میں کور کیا اور بعد ازاں ٹی ایچ کیو ہسپتال کروڑ منتقل کر دیا۔ریسکیو 1122 نے شہریوں سے اپیل کی ہے کہ ڈرائیونگ کے دوران احتیاطی تدابیر اختیار کریں، آبادی والے علاقوں میں رفتار کم رکھیں اور بچوں پر خصوصی نظر رکھیں تاکہ ایسے المناک حادثات سے بچا جا سکے۔
