لیہ(نمائندہ لیہ ٹی وی ) ڈسٹرکٹ پولیس آفیسرلیہ حسن جاوید بھٹی کی زیر قیادت لیہ پولیس کی تاریخی کارکردگی، 5 ماہ میں جرائم کا گراف 31 فیصد نیچے آ گیا،1410 مقدمات کی کمی، موٹر سائیکل سنیچنگ میں 73 فیصد ریکارڈ کمی، عوامی و سماجی حلقوں کی طرف سے لیہ پولیس کو خراج تحسین، لیہ پولیس کی دن رات محنت اور جانفشانی سے شہریوں میں تحفظ کا احساس بڑھا ہے اور پولیس پر عوام کا اعتماد بحال ہوا ہے۔ترجمان لیہ پولیس تفصیلات کے مطابق وزیراعلیٰ پنجاب کے جرائم سے پاک معاشرہ ویژن پر عمل کرتے ہوئے ڈسٹرکٹ پولیس لیہ نے جنوری تا مئی 2026 میں جرائم کے خلاف شاندار کارکردگی کا مظاہرہ کیا ہے۔،لیہ پولیس کی جانب سے جاری کردہ تقابلی کارکردگی رپورٹ کے مطابق گزشتہ سال کے مقابلے میں سنگین جرائم میں ریکارڈ کمی دیکھنے میں آئی ہے،پولیس رپورٹ کے مطابق جنوری تا مئی 2025 میں ضلع بھر میں کل 4490 مقدمات درج ہوئے تھے جبکہ رواں سال 2026 کے اسی عرصے میں یہ تعداد 3080 رہ گئی۔ اس طرح مجموعی طور پر 1410 مقدمات کی کمی واقع ہوئی جو 31 فیصد بنتی ہے رپورٹ میں مختلف جرائم کی تفصیلات بھی جاری کی گئیں۔ نقب زنی، مویشی چوری اور دیگر چوری کے مقدمات 2025 میں 849 تھے جو 2026 میں 601 رہ گئے،248 کیسز یعنی 29 فیصد کمی ریکارڈ کی گئی موٹر سائیکل چوری کے واقعات میں سب سے زیادہ 72 فیصد کمی دیکھنے میں آئی۔ گزشتہ سال 276 مقدمات درج ہوئے تھے جبکہ رواں سال صرف 78 مقدمات رپورٹ ہوئے، 198 کیسز کی کمی ہوئی اسی طرح موٹر سائیکل سنیچنگ کے مقدمات میں 73 فیصد تاریخی کمی ریکارڈ کی گئی۔ 2025 میں 22 واقعات کے مقابلے میں 2026 میں صرف 6 مقدمات درج ہوئے، 16 کیسز کم ہوئے۔رابری اور جھپٹاکے مقدمات بھی 87 سے کم ہو کر 52 رہ گئے، 35 کیسز یعنی 40 فیصد کمی ہوئی پولیس ذرائع کے مطابق یہ کامیابی مؤثر گشت، اسنیپ چیکنگ، انٹیلی جنس بیسڈ آپریشنز اور بروقت کارروائیوں کی مرہون منت ہے۔ ڈسٹرکٹ پولیس آفیسر لیہ نے کہا ہے کہ شہریوں کے جان و مال کا تحفظ پولیس کی اولین ترجیح ہے اور جرائم پیشہ عناصر کے خلاف زیرو ٹالرنس پالیسی جاری رہے گی عوامی و سماجی حلقوں نے لیہ پولیس کی شاندار کارکردگی پر زبردست خراج تحسین پیش کیا ہے شہریوں، تاجر برادری، وکلاء، صحافیوں اور سول سوسائٹی کے نمائندوں کا کہنا ہے کہ جرائم میں نمایاں کمی سے ضلع بھر میں امن و امان کی صورتحال بہتر ہوئی ہے۔ عوام کا کہنا ہے کہ لیہ پولیس کی دن رات محنت اور جانفشانی سے شہریوں میں تحفظ کا احساس بڑھا ہے اور پولیس پر عوام کا اعتماد بحال ہوا ہے
