کروڑ لعل عیسن جنازہ گاہ میں سولر لائٹس کی تنصیب کا آغاز، عوام کیلئے بڑا سہولت منصوبہ چیف آفیسر میونسپل کمیٹی عمار الطاف گرمانی کا جنازہ گاہ میں روشنی کے مؤثر انتظامات جلد مکمل کرنے کا اعلان

کروڑ لعل عیسن(نمائندہ لیہ ٹی وی) چیف آفیسر میونسپل کمیٹی کروڑ لعل عیسن عمار الطاف گورمانیکی جانب سے جنازہ گاہ میں سولر لائٹس کی تنصیب کے لیے پولز لگانے کا باقاعدہ آغاز کر دیا گیا ہے، جسے شہری حلقوں نے ایک مثبت اور قابلِ تحسین اقدام قرار دیا ہے۔ذرائع کے مطابق جنازہ گاہ میں رات کے اوقات میں روشنی کے مناسب انتظامات نہ ہونے کے باعث شہریوں کو مشکلات کا سامنا کرنا پڑتا تھا، تاہم میونسپل کمیٹی کی جانب سے سولر سسٹم کی تنصیب شروع ہونے پر عوام نے اطمینان کا اظہار کیا ہے۔چیف آفیسر عمار الطاف گرمانی نے کہا کہ جنازہ گاہ میں جدید سولر لائٹس جلد فعال کر دی جائیں گی تاکہ شہریوں کو بہتر سہولیات فراہم کی جا سکیں۔ انہوں نے کہا کہ عوامی فلاح کے منصوبوں پر ترجیحی بنیادوں پر کام جاری رکھا جائے گا اور شہری مسائل کے حل کیلئے تمام وسائل بروئے کار لائے جا رہے ہیں۔اہلِ علاقہ نے میونسپل کمیٹی کے اس اقدام کو سراہتے ہوئے امید ظاہر کی کہ اس منصوبے سے جنازہ گاہ آنے والے شہریوں کو رات کے وقت بہتر سہولت اور محفوظ ماحول میسر آئے گا۔