فتح پور (نمائندہ لَیّہ ٹی وی) تھانہ فتح پور پولیس نے بروقت کارروائی کرتے ہوئے کمسن طالب علم کے ساتھ مبینہ زیادتی میں ملوث دونوں ملزمان کو گرفتار کر لیا۔ پولیس ترجمان کے مطابق متاثرہ بچے احمد کے ساتھ پیش آنے والے افسوسناک واقعہ کا مقدمہ درج کرتے ہوئے فوری قانونی کارروائی عمل میں لائی گئی۔پولیس کے مطابق واقعہ کی اطلاع ملتے ہی تھانہ فتح پور پولیس متحرک ہوئی اور جدید تفتیشی حکمت عملی کے تحت کارروائی کرتے ہوئے نامزد ملزمان حمزہ عمیر اور ذیشان کو گرفتار کر لیا گیا۔ ترجمان پولیس کا کہنا ہے کہ ملزمان کے خلاف زیادتی کی دفعات کے تحت مقدمہ درج کر کے مزید تفتیش جاری ہے۔پولیس حکام نے واضح کیا کہ متاثرہ بچے اور اس کے خاندان کو ہر صورت انصاف فراہم کیا جائے گا جبکہ ایسے گھناؤنے جرائم میں ملوث عناصر کے ساتھ کوئی رعایت نہیں برتی جائے گی۔ ترجمان کے مطابق ملزمان کے خلاف قانون کے مطابق سخت کارروائی عمل میں لائی جائے گی تاکہ معاشرے میں ایسے جرائم کی روک تھام یقینی بنائی جا سکے۔واقعہ کے بعد علاقے میں شدید تشویش پائی جاتی ہے جبکہ شہریوں نے پولیس کی فوری کارروائی کو سراہتے ہوئے مطالبہ کیا ہے کہ ملزمان کو قرار واقعی سزا دی جائے۔
