لَیّہ پولیس کی منشیات فروشوں کے خلاف بڑی کارروائی، 120 لیٹر شراب برآمد، ملزم گرفتار تھانہ کوٹ سلطان پولیس کا کریک ڈاؤن، بدنامِ زمانہ منشیات فروش یونس کے خلاف مقدمہ درج

لَیّہ (نمائندہ لَیّہ ٹی وی) حسن جاوید بھٹی کے ویژن کے مطابق لَیّہ پولیس منشیات سے پاک معاشرے کے قیام کے لیے متحرک ہے۔ اسی سلسلے میں تھانہ کوٹ سلطان پولیس نے منشیات فروشوں کے خلاف اہم کارروائی کرتے ہوئے بھاری مقدار میں شراب برآمد کر لی۔پولیس ذرائع کے مطابق تھانہ کوٹ سلطان کے اے ایس آئی مظہر عباس نے پولیس ٹیم کے ہمراہ کامیاب کارروائی کرتے ہوئے بدنامِ زمانہ منشیات فروش یونس کو گرفتار کر لیا۔ کارروائی کے دوران ملزم کے قبضے سے 120 لیٹر شراب برآمد ہوئی۔پولیس نے ملزم کے خلاف منشیات ایکٹ کے تحت مقدمہ درج کرکے مزید قانونی کارروائی شروع کر دی ہے۔ ترجمان پولیس کے مطابق ضلع بھر میں منشیات فروش عناصر کے خلاف بلاامتیاز کارروائیاں جاری رہیں گی تاکہ نوجوان نسل کو منشیات جیسی لعنت سے محفوظ رکھا جا سکے۔ڈی پی او لَیّہ حسن جاوید بھٹی نے کہا ہے کہ معاشرے کو منشیات سے پاک بنانا لَیّہ پولیس کی اولین ترجیحات میں شامل ہے اور قانون شکن عناصر کے خلاف سخت کارروائی جاری رکھی جائے گی۔