لیہ(نمائندہ لیہ ٹی وی )وزیر اعلیٰ پنجاب مریم نواز شریف کے وژن کے مطابق ضلع لیہ میں سہولت آن دا گو بازار کا افتتاح کر دیا گیا۔کمشنر ڈی جی خان ڈویژن اشفاق احمد چوہدری نے ربن کاٹ کر بازار کا افتتاح کیا۔اس موقع پر ایم پی اے سمعیہ عطاء شہانی، سابق پارلیمنٹیرینز سید ثقلین بخاری، مہر اعجاز احمد اچلانہ،عبد الشکور سواگ اور ملک عثمان علی اولکھ،ڈپٹی کمشنر آصف علی ڈوگر، ایڈیشنل ڈپٹی کمشنرز عابدہ فرید، شبیر احمد ڈوگر،اسسٹنٹ کمشنر زوہیب کریم،متعلقہ افسران،صدر انجمن تاجران اظہر ہانس،چیئرمین حاجی تنویر احمد،میڈیا نمائندگان ودیگر موجود تھے۔کمشنر ڈی جی خان اشفاق احمد چوہدری نے اس موقع پر میڈیا سے گفتگو کرتے ہوئے کہا کہ سہولت آن دا گو بازار وزیر اعلیٰ پنجاب مریم نواز شریف کا ایک شاندار پراجیکٹ ہے ضلع لیہ میں 6 سہولت آن دا گو بازار قائم کئے گئے ہیں 300 ریڑھی بان جدید طرز کی دکانوں کے مالک بن گئے ہیں۔انہوں نے کہا کہ سہولت آن دا گو بازار میں صاف ستھرے ماحول میں مارکیٹ سے کم ریٹ پر معیاری اشیاء دستیاب ہیں سہولت آن دا گو بازار میں حکومت پنجاب کی اونر شپ ہے۔کمشنر نے کہا کہ ڈویژن بھر میں رمضان سہولت بازار اور رمضان نگہبان دسترخوان سے بھی شہری مستفید ہو رہے ہیں ڈویژن کے 35 نگہبان دستر خوان مریم کے مہمان سے کل کے دن دس ہزار لوگوں نے روزہ افطار کیا۔انہوں نے کہا کہ صارفین کو بھر پور ریلیف کی فراہمی کے لیے ڈویژن بھر میں پرائس کنٹرول مجسٹریٹس روزانہ کہ بنیاد پر مارکیٹوں کا معائنہ کر رہے ہیں۔انہوں نے مزید کہا کہ مساجد اور مذہبی مقامات کی فول پروف سکیورٹی کے لئے اقدامات کئے گئے ہیں۔انہوں نے سہولت آن دا گو بازار کے سٹالز،فروٹ اور سبزیوں کے ریٹس،خواتین لاونج،ٹوائلٹ بلاک اور کسٹمر کیئر سیل کا بھی معائنہ کیا۔
