لیہ(نمائندہ لیہ ٹی وی ) وزیر اعلیٰ پنجاب مریم نواز شریف پنجاب ڈویلپمنٹ پروگرام لیہ میں شروع کر دیا گیا۔ پیکج4-بارشی پانی کی نکاسی کیلئے کنکریٹ ڈرین اور 5لاکھ گیلن کے سٹورج ٹینک پر کام جاری۔ پیکج ون اور تھری کے ٹینڈرز مکمل اور ورک آرڈر الاٹ کر دیا گیا۔ اس سلسلہ میں کمشنر ڈیرہ غازی خان ڈویژن اشفاق احمد چوہدری نے پراجیکٹ کی مین سائٹ پرانی بدھ منڈی کا دورہ کیا۔ ڈپٹی کمشنر آصف علی ڈوگر، ایم پی اے سمعیہ عطاء شہانی، سابق پارلیمنٹیرینز سید ثقلین بخاری، مہر اعجاز احمد اچلانہ، عبدالشکور سواگ اور ملک عثمان علی اولکھ، اے ڈی سی جی شبیر احمد ڈوگر، متعلقہ افسران بھی ان کے ہمراہ تھے۔ اسسٹنٹ پراجیکٹ ڈائریکٹر انجینئر محمد سلیم نے اس موقع پر بریفنگ دی۔ بریفنگ میں بتایا گیا کہ لیہ سٹی کی ہر گلی میں سیوریج لائن اور ٹف ٹائلز لگائی جائیں گی ڈسپوزل سٹیشن اور انڈر گراؤنڈ بارش کے پانی کو سٹور کرنے والے ٹینک بھی بنائے جائیں گے۔بریفنگ میں بتایا گیا کہ پروگرام کے تحت 9 پیکجز پر کام کیا جائے گا جن میں سے 5 کے ٹینڈر پراسس مکمل کر لئے گئے ہیں۔ کمشنر ڈی جی خان اشفاق احمد چوہدری نے اس موقع پر کہا کہ کام کو اعلی معیار کے ساتھ بروقت مکمل کیا جائے۔کمشنر نے کہا منصوبے پر9ارب روپے سے ذائد لاگت آئے گی انہوں نے کہا کہ تمام متعلقہ محکمے کام کی نگرانی کریں تاکہ عوامی فلاح و بہبود کے اس پروگرام میں کوئی جھول نہ رہ جائے۔
