لیہ (نمائندہ لیہ ٹی وی)گورنمنٹ پرائمری اسکول ڈڈھے والا، ٹرکو اڈہ، چوبارہ روڈ پر شہد کی مکھیوں کے اچانک حملے سے اسکول میں خوف و ہراس پھیل گیا۔ واقعے میں چار بچے اور دو اساتذہ شہد کی مکھیوں کے کاٹنے سے متاثر ہوئے۔اسکول کے احاطے میں موجود درخت پر بیٹھی شہد کی مکھیوں نے اچانک بچوں اور اساتذہ پر حملہ کر دیا ہے۔ ریسکیو1122 عملہ موقع پر پہنچا تو متاثرہ افراد کو دس سے بارہ شہد کی مکھیوں نے کاٹ رکھا تھا۔ ریسکیو 1122عملے نے فوری طورابتدائی طبی امداد فراہم کی۔ 4 متاثرین کو مزید علاج کے لیے ٹی ایچ کیو ہسپتال چوبارہ منتقل کر دیا گیا، جبکہ دو بچوں کو موقع پر فرسٹ ایڈ فراہم کی گئی۔ریسکیو1122 عملے کے مطابق شہد کی مکھیاں سکول میں موجود درخت پر بیٹھی تھیں جو اچانک اُڑ کر حملہ آور ہو گئیں۔ بروقت طبی امداد کے باعث تمام متاثرین کی حالت خطرے سے باہر بتائی جاتی ہے۔
