لیہ (نمائندہ لیہ ٹی وی) یونیورسٹی آف لیہ کروڑ روڈ کے قریب ریلوے ٹریک عبور کرتے ہوئے ٹرین کی زد میں آ کر 10 سالہ بچی جاں بحق ہو گئی۔ ریسکیو ذرائع کے مطابق ایک کمسن بچی ریلوے ٹریک کراس کرتے ہوئے ٹرین سے ٹکرا گئی ہے۔ریسکیو عملے کے مطابق حادثے کا شکار بچی کی شناخت واصیہ دختر منور عباس، عمر تقریباً 10 سال، سکنہ بستی گشکوری لیہ کے نام سے ہوئی ہے۔ بچی اپنے والدین کے ہمراہ موٹر سائیکل پر جا رہی تھی، ریلوے ٹریک عبور کرنے کے لیے موٹر سائیکل سے اتاری گئی تاہم وہ پیچھے سے دوڑتی ہوئی ٹریک عبور کرنے لگی کہ ملتان سے راولپنڈی جانے والی ٹرین سے ٹکرا گئی اور پٹڑی سے باہر جا گری۔ریسکیو ذرائع کے مطابق بچی کے سر پر گہری چوٹ آئی جبکہ ٹانگ کی ہڈی بھی ٹوٹ گئی۔ ریسکیو عملے نے موقع پر سی پی آر کی کوشش کی تاہم بچی جانبر نہ ہو سکی اور موقع پر ہی دم توڑ گئی۔ لواحقین نے لاش کو ہسپتال منتقل کرنے سے انکار کر دیا، جس کے بعد ریسکیو عملے نے ضابطے کی کارروائی مکمل کرتے ہوئے لاش کو ڈیڈ شیٹ میں لپیٹ کر واپس روانہ ہو گیا۔
