لیہ (نمائندہ لیہ ٹی وی) عوام کو ان کی دہلیز پر فراہمی انصا ف کو یقینی بنانے کےلئے ڈی پی او لیہ حسن جاوید بھٹی کا دور دراز کے علاقوں میں کھلی کچہریوں کےانعقاد کا سلسلہ جاری ،ڈی پی او لیہ حسن جاوید بھٹی نے امروز علاقہ تھانہ کروڑکے مختلف مقامات پر کھلی کچہریوں کا انعقاد کیا،منعقدہ کھلی کچہریوں کے دورن ڈی پی او لیہ نے مرد و خواتین سائلین کی طرف سے پیش کئے گئے مسائل سنےاور ان حل کےلئے متعلقہ افسران کو موقع پرہدایات جاری کیں ،ڈی پی او لیہ حسن جاوید بھٹی نے گفتگو کرتے ہوئے کہا کہ انصاف کی فراہمی اور شہریوں کے پولیس سے متعلقہ مسائل کے حل کےلئے لیہ پولیس تمام تر دستیاب وسائل بروئے کار لا رہی ہے، کھلی کچہری کا انعقاد کاظمی چوک ،اڈا اللہ یار ،راجن شاہ موڑ ،عامر چوک ،ٹیکسی سٹینڈ کروڑ ،چک نمبر 84 ،ٹبی خورد ،حسین آباد ،چک نمبر 94 اور اڈا طالب والا پر کیا گیا ۔
