کاغذی لیموں اور میٹھے کی برداشت کے بعد ایک کلو یوریا، ایک کلو ڈی اے پی، ایک کلو پوٹاش فی پود ا ڈالنی چاہیے، ریسرچ انفارمیشن یونٹ ایوب زرعی تحقیقاتی ادارہ فیصل آباد

فیصل آباد۔ 22 اگست (لیہ ٹی وی)ریسرچ انفارمیشن یونٹ ایوب زرعی تحقیقاتی ادارہ فیصل آباد کے ماہرین نےکاغذی لیموں اور میٹھے کے کاشتکاروں وباغبانوں کو ہدایت دیتے ہوئے کہاکہ باغبان ترشاوہ پھلوں کی برداشت کا عمل بروقت شروع کردیں اور کاغذی لیموں اور میٹھے کی برداشت کے بعد ایک کلو یوریا، ایک کلو ڈی اے پی، ایک کلو پوٹاش فی پود ا ڈالنی چاہیے اور تنے سے پودے کے پھیلاؤ کے برابر دائرہ میں کھاد ڈالنے کے علاوہ نئے پودے لگانے کے لئے 3مربع فٹ کے گڑھے کھودے جائیں اور انہیں 2 ہفتوں کے لئے کھلا چھوڑ دیا جائے۔انہوں نے کہا کہ نئے پودے لگانے سے پہلے گڑھوں میں گوبر کی گلی سڑی کھاد ڈالنے سے پودوں کی افزائش میں زبردست بڑھوتری ہو سکتی ہے