دبئی ۔22اگست (لیہ ٹی وی)دبئی آئندہ ماہ ستمبرمیںدنیا کی مہنگی ترین باڈی بلڈنگ چیمپئن شپ کی میزبانی کرے گا۔امارات کے خبر رساں ادارے کے مطابق بائنس کلاسک باڈی بلڈنگ چیمپئن شپ کا سیکنڈ ایڈیشن دبئی ورلڈ ٹریڈ سینٹر میں 7 اور 8 ستمبر 2024ئ کومنعقد ہو گا ، جس میں کھیلوں کے مقابلوں کے علاوہ ایک نمائش اور بھی شامل کی جائے گی ۔چیمپئن شپ میں 700 مرد اور خواتین کھلاڑی 1.2 ملین درہم کے نقد انعامات کے لیے مقابلہ کریں گے، دنیا میں کسی چیمپئن شپ کے لیےیہ سب سے زیادہ انعامی رقم ہوگی۔ فیڈریشن کے چیئرمین شیخ عبداللہ بن حمد بن سیف الشرقی نے سپورٹس کونسل کے سیکرٹری جنرل سعید حریب اورایگزیکٹو نائب صدر، دبئی ورلڈ ٹریڈ سینٹر (ڈی ڈبلیو ٹی سی ) ماہر عبدالکریم جلفر کی موجودگی میں ایمریٹس باڈی بلڈنگ اینڈ فٹنس فیڈریشن نے دو روزہ ایونٹ کی تفصیلات کا اعلان دبئی سپورٹس کونسل میں پریس کانفرنس کرتے ہوئے کیا۔عبداللہ الشرقی نے مزید کہا کہ بائنس کلاسک چیمپئن شپ فیڈریشن کے زیر نگرانی سب سے اہم چیمپئن شپ میں سے ایک ہے، خاص طور پر چونکہ بائنس جم فیڈریشن کا سٹریٹجک پارٹنر ہے۔
