25اگست ا ردو ادب کے عظیم شاعر احمد فراز کی برسی کا دن ،اسلام آباد سمیت ملک بھر کے ادبی حلقوں میں تعزیتی و دیگر تقریبات کا اہتمام کیا جائے گا

اسلام آباد: اردو ادب کے عظیم شاعر احمد فراز کی برسی 25اگست کومنائی جائے گی اس سلسلے میں اسلام آباد سمیت ملک بھر کے ادبی حلقوں میں تعزیتی و دیگر تقریبات کا اہتمام کیا جائے گا جس میں احمد فراز کی ا دبی خدمات کو خراج عقیدت پیش کیا جائے گا ، احمد فراز 14جنوری 1931کو پشاور میں پیدا ہوئے تھے دوران تعلیم انہوں نے اپنا پہلا شعری مجموعہ تنہا تنہا لکھا تھا۔احمد فراز کے مجموعہ کلام میں تنہا تنہا،درد آشوب،بے آواز گلی کوچوں میں،نابینا شہر میں آئینہ،نایافت،خواب گل پریشاں ہیں،جاناں جاناں،غزل بہانہ کروں اور دیگر قابل ذکر ہیں۔احمد فراز کو آدم جی ایوارڈ،ستارہ امتیاز،ہلال امتیاز،اباسین ایوارڈ،نقش ادب ایوارڈ سمیت لاتعداد ملکی و غیرملکی ایوارڈز سے نوازا جا چکا ہے ۔احمد فراز کی شاعری کے انگریزی،فرانسیسی،پنجابی،جرمن،روسی اور دیگر زبانوں میں بھی تراجم شائع ہو چکے ہیں۔احمد فراز گردوں کے عارضے کا شکار تھے وہ علاج کیلئے امریکہ بھی گئے تھےتاہم 25 اگست 2008ء کو اچانک گردوں کی بیماری کی وجہ سے اسلام آباد کے ایک نجی ہسپتال میں دم توڑ گئے ۔احمد فراز کی برسی کے موقع پر علمی وادبی حلقوں کے زیر اہتمام مختف تقریبات کا انعقاد کیا جائے گا اور ان کی ادبی خدمات پر خراج تحسین پیش کیا جائے گا۔