لاہور(لیہ ٹی وی )سابق وزیرِ اعلیٰ پنجاب چوہدری پرویز الہٰی پر میرٹ کے برعکس بھرتیوں کے مقدمے میں فردِ جرم عائد نہ ہو سکی۔ اینٹی کرپشن کورٹ کے جج سردار محمد اقبال ڈوگر نے پرویز الہٰی اور دیگر کے خلاف مقدمے کی سماعت کی۔
سابق وزیر اعلیٰ پرویز الہٰی کے عدالت میں پیش نہ ہونے کے باعث فردِ جرم عائد نہیں کی جا سکی۔ عدالت نے ان کی غیر حاضری کا نوٹس لیتے ہوئے انہیں فردِ جرم کے لیے 4 فروری کو طلب کر لیا ہے۔
عدالت نے کیس میں مزید کارروائی کے لیے تحریری حکم نامہ بھی جاری کر دیا ہے۔
