ڈپٹی کمشنر امیرابیدار کی سکیچ بنانے والی طالبہ کنزہ کی پذ یرائی،انعام مل گیا

لیہ:ڈپٹی کمشنر امیرابیدار کی سکیچ بنانے والی طالبہ کنزہ کی پذیرائی ۔ طالبہ کنزہ کوڈی سی آفس میں خصوصی انعام دے دیاگیا۔تفصیل کے مطابق ڈپٹی کمشنر امیرابیدارنے گزشتہ روز جشن آزادی کی تقریب میں شرکت کی ۔ جس میںگرلز ایم سی ہائی سکول کی طالبہ کنزہ نے ڈپٹی کمشنر کو اُن کا سکیچ دیا،جس پر ڈپٹی کمشنرنے ان کی مصوری میں خداداد صلاحیت کی تعریف کی اور اُن کی حوصلہ افزائی کے لیئے انعام کااعلان کیا۔آج ڈی سی آفس میں ڈپٹی کمشنرکی ہدایت پرایڈیشنل ڈپٹی کمشنر ریونیو محمد شاہد ملک نے طالبہ کنزہ کو مدعو کرکے انہیں انعام دے دیا۔اس موقع پر سی ای او تعلیم شوکت علی شیروانی،پرنسپل ثریا جبیںبھی موجود تھے