اسلام آباد(لیہ ٹی وی) وزیراعظم شہباز شریف نے ایس سی او کے سیکرٹری جنرل ژانگ منگ سے ملاقات کی جس میں انہوں نے تمام رکن ممالک اور وسیع تر خطے کے مفاد کے لیے تنظیم کی ترقیاتی ترجیحات کے فروغ کے لیے دل و جان سے کام کرنے کے لیے پاکستان کے عزم کا اعادہ کیا۔شنگھائی تعاون تنظیم (ایس سی او) کی کونسل آف ہیڈز آف گورنمنٹ (سی ایچ جی) کے 23ویں اجلاس کے موقع پر ہونے والی ملاقات میں وزیراعظم نے زور دیا کہ پاکستان تنظیم کو مزید موثر اور مضبوط بنانے کے لیے ایس سی او کے رکن ممالک کے ساتھ مل کر کام کرنے کے لیے تیار ہے۔جولائی 2022 میں سیکرٹری جنرل منگ کے پہلے دورہ پاکستان کو یاد کرتے ہوئے، وزیر اعظم شہباز نے اسلام آباد میں ان کا خیرمقدم کیا اور ایس سی او سی ایچ جی اجلاس کے انعقاد میں ایس سی او سیکرٹریٹ کی طرف سے پاکستان کو دی جانے والی حمایت پر ان کا شکریہ ادا کیا۔انہوں نے شنگھائی تعاون تنظیم کے سبکدوش ہونے والے سیکرٹری جنرل کی حیثیت سے ژانگ منگ کی لگن اور شاندار خدمات کا بھی شکریہ ادا کیا اور ان کی مستقبل کی کوششوں میں ہر طرح کی کامیابی کی خواہش کی۔انہوں نے ایس سی او کے تمام شعبوں میں کام اور سرگرمیوں میں پاکستان کے تعمیری تعاون کو سراہا اور ایس سی او سی ایچ جی چیئر کے طور پر پاکستان کے قائدانہ کردارابھر کا سامنے آیا ہے
