لیہ (نمائندہ لیہ ٹی وی) امیر جماعت اسلامی ضلع لیہ مبشر نعیم چوہدری نے کہا ہے کہ حافظ نعیم الرحمن کی قیادت میں جماعت اسلامی، پاکستان میں کرپشن فری معاشرہ کے قیام کی بھرپور جدوجہد کر رہی ہے ایسا معاشرہ جس میں عدل و انصاف اور حقوق کو تحفظ میں کوئی اونچ نیچ نہ ہو انہوں نے کہا جماعت اسلامی کی ملک گیر ممبر شپ مہم کامیابی سے جاری ہے اور بڑی تعداد میں نوجوانوں اور بڑوں کی جماعت اسلامی کی ممبر شپ میں شمولیت اس بات کی گواہی ہے کہ ملک کی تینوں بڑی پارٹیوں نے قوم کو مسائل اور مشکلات کی دلدل میں دھکیل دیا ہے جس کی وجہ سے لوگ دو وقت کی روٹی سے بھی تنگ ہو چکے ہیں جماعت اسلامی وطن عزیز میں وسائل کی میرٹ پر تقسیم کو یقینی بنانے پر یقین رکھتی ہے اور انشاءاللہ وہ وقت دور نہیں جب پاکستان میں مقاصد پاکستان پر یقین رکھنے والی حکومت برسر اقتدار ہوگی اور مسائل کی چکی میں پستے عوام سکھ کا سانس لیں گے قبل ازیں جماعت اسلامی ضلع لیہ اور تحصیلی دفاتر میں امیر جماعت اسلامی پاکستان حافظ نعیم الرحمن کا ان لائن خطاب سننے کے خصوصی انتظامات کیے گئے تھے۔
