لیہ( نمائندہ لیہ ٹی وی) ڈپٹی کمشنر امیرا بیدار کا چوک اعظم میں ٹریفک جام پر سخت برہمی کا اظہار۔ سیکرٹری آر ٹی اے کو سڑکوں پر گاڑیاں کھڑی کرنے والے ٹرانسپورٹرز کے خلاف کارروائی کی ہدایت جاری کر دی۔ اس سلسلہ میں ریجنل ٹرانسپورٹ اتھارٹی کی خصوصی ٹیم نے چوک اعظم میں کارروائی شروع کر دی ہے۔ اسسٹنٹ سیکریٹری آر ٹی اے فرخ بھٹی نے ٹیم کے ہمراہ مسافر بسوں کو چوک اعظم بس سٹینڈ اور بائی پاس روڈ استعمال کرنے کے عملی اقدامات شروع کر دئے ہیں۔ اسسٹنٹ سیکریٹری آر ٹی اے فرخ بھٹی نے بتایا کہ کسی بھی مسافر بس یا بڑی گاڑی کو شہر میں سے نہیں گزرنے دیا جائے گا اور خلاف ورزی کرنے والے ٹرانسپورٹرز کی گاڑی بند کر دی جائے گی۔
