ڈسٹرکٹ ہیلتھ آفیسر ڈاکٹر غلام محی الدین کا بنیادی مرکز صحت شاہ پور کا دورہ

لیہ29 اگست (لیہ ٹی وی ) حکومت پنجاب کے احکامات کی روشنی میں عوام کو علاج معالجے کی بہترین سہولیات کی فراہمی کے لئے ہیلتھ افسران کا مراکز صحت کا اچانک معائنہ جاری ہے۔ڈپٹی کمشنر لیہ امیرا بیدار کی ہدایات کے مطابق ڈسٹرکٹ ہیلتھ آفیسر ڈاکٹر غلام محی الدین نے بنیادی مرکز صحت شاہ پور کا دورہ کیا۔ انہوں نے سٹاف کی حاضری، صفائی کے انتظامات، ادویات کا سٹاک چیک کیا اور شہریوں کو فراہم کی جانے والی صحت کی بنیادی سہولیات کے حوالے سے جائزہ لیا۔ ڈی ایچ او نے ریکارڈ کی پڑتال کی اور ہدایت کی کہ عوام کو علاج معالجے کی بروقت سہولیات فراہم کی جائیں