لیہ29 اگست 2024( لیہ ٹی وی) زونل خطیب اوقاف ڈیرہ غازی خان کی طرف سے جاری مراسلہ کے مطابق پاکستان براڈ کاسٹنگ کارپوریشن ، پاکستان ٹیلیویژن کارپوریشن اور محکمہ اوقاف کے اشتراک سے ربیع الاوّل تقریبات کے سلسلہ میں نعت خوانی کے مقابلہ جات منعقد کئے جا رہے ہیں۔ نعت خوانی کے مقابلہ جات 4 کیٹیگریز میں منعقد ہوں گے۔ ضلع لیہ میں 15 سال سے کم عمر نعت خواں لڑکے لڑکیوں اور 15 سے 25 سال کے درمیان نعت خواں لڑکے اور لڑکیوں کے نعت خوانی کے مقابلہ جات 31 اگست کو صبح 10 بجے جامع مسجد ملحق مزار حضرت لعل عیسن کروڑ میں منعقد ہوں گے۔ پروفیشنل نعت خواں مقابلہ میں شرکت نہیں کر سکیں گے۔ مقابلہ میں شرکت کرنے والے خواہشمند عمر کے ثبوت کے لئے ب فارم/ شناختی کارڈ کی کاپی فراہم کریں گے۔ رجسٹریشن کے لئے موبائل نمبر 6830493۔0300 پر رابطہ کر سکتے ہیں۔
