لیہ میں میڈیکل کالج کے قیام کی جانب اہم پیش رفت، 126 کنال 14 مرلہ اراضی مختص

لیہ:وزیر اعلیٰ پنجاب مریم نواز شریف کے اعلان کردہ میڈیکل کالج کی جانب ایک اور بڑی پیش رفت۔ لیہ میں میڈیکل کالج کے قیام کے لیے 126 کنال 14 مرلہ اراضی مختص کر دی گئی۔ بورڈ آف ریونیو پنجاب نے لیہ میں میڈیکل کالج کے قیام کے لیے 126 کنال 14 مرلہ سرکاری اراضی منتقل کرنے کی منظوری دے دی۔ تفصیلات کے مطابق بورڈ آف ریونیو پنجاب نے لیہ میں میڈیکل کالج کے قیام کے لیے 126 کنال 14 مرلہ سرکاری اراضی محکمہ اسپیشلائزڈ ہیلتھ کیئر اینڈ میڈیکل ایجوکیشن پنجاب کے نام مفت منتقل کرنے کی منظوری دے دی ہے۔ اس سلسلہ میں بورڈ آف ریونیو پنجاب کی جانب سے ڈپٹی کمشنر لیہ کو باقاعدہ مراسلہ جاری کر دیا گیا ہے۔