لیہ: وزیر اعلیٰ پنجاب مریم نواز شریف کے احکامات کی روشنی میں لیہ میں میڈیکل کالج کے قیام کے لیے عملی اقدامات کا آغاز کر دیا گیا ہے۔ ڈپٹی کمشنر آصف علی ڈوگر کی ہدایت پر اسسٹنٹ کمشنر لیہ زوہیب کریم نے میڈیکل کالج کے لیے مختص سائٹ کا دورہ کیا اور منصوبے پر ہونے والی پیش رفت کا جائزہ لیا۔ اس موقع پر اسسٹنٹ کمشنر زوہیب کریم نے متعلقہ امور کا معائنہ کرتے ہوئے ہدایت کی کہ میڈیکل کالج کے لیے مختص مجوزہ جگہ کی صفائی ستھرائی اور دیگر ضروری انتظامات فوری مکمل کیے جائیں تاکہ منصوبے پر عملی کام جلد شروع کیا جا سکے۔ انہوں نے متعلقہ حکام کو سائٹ کی تیاری کے حوالے سے ضروری اقدامات یقینی بنانے کی بھی ہدایت کی۔ وزیر اعلیٰ پنجاب مریم نواز شریف کی ہدایت پر لیہ میں میڈیکل کالج کا قیام ضلع کے عوام کو اعلیٰ طبی تعلیم اور معیاری صحت کی سہولیات کی فراہمی کی جانب اہم پیش رفت ہے۔
