لیہ: ایڈیشنل ڈپٹی کمشنر میونسپل سروسز شبیر احمد ڈوگر نے میونسپل مارکیٹ نزد ماڈل بازار کے تعمیراتی منصوبے کا تفصیلی دورہ کیا اور موقع پر جاری تعمیراتی و ترقیاتی کاموں کا جائزہ لیا۔ اس موقع پر انہوں نے 13 دکانوں پر مشتمل منصوبے کے مختلف حصوں میں جاری سول ورکس، تعمیراتی رفتار اور کام کے مجموعی معیار کا تفصیلی معائنہ کیا۔ ایڈیشنل ڈپٹی کمشنر (ایم ایس) شبیر احمد ڈوگر نے منصوبے پر کام کرنے والی ٹیم سے جاری پیش رفت کے بارے میں بریفنگ لی اور تعمیراتی کام کے مقررہ ٹائم لائن کے مطابق جائزہ لیا۔ انہوں نے ہدایت کی کہ منصوبے کے تمام تعمیراتی مراحل میں اعلیٰ معیار کو ہر صورت یقینی بنایا جائے۔ انہوں نے کہا کہ ترقیاتی منصوبوں کی بروقت تکمیل کے ساتھ ساتھ تعمیراتی معیار برقرار رکھنا بھی انتہائی ضروری ہے۔ متعلقہ افسران اور کنٹریکٹرز تعمیراتی کام کی مسلسل نگرانی کریں اور کام کی رفتار میں مزید بہتری لاتے ہوئے منصوبے کو مقررہ مدت میں مکمل کرنے کے لیے تمام ضروری اقدامات یقینی بنائیں۔ ایڈیشنل ڈپٹی کمشنر نے واضح کیا کہ تعمیراتی کام میں معیار پر کسی قسم کا سمجھوتہ برداشت نہیں کیا جائے گا اور منصوبے کی تکمیل کے دوران تکنیکی وضوابط اور منظور شدہ ڈیزائن کے مطابق کام کو یقینی بنایا جائے۔
