لیہ: ایڈیشنل ڈپٹی کمشنر میونسپل سروسز شبیر احمد ڈوگر نے مریم نواز سپورٹس ایرینا لیہ کے تعمیراتی مقام کا تفصیلی دورہ کیا اور جاری ترقیاتی و سول ورکس کا معائنہ کیا۔ ایڈیشنل ڈپٹی کمشنر نے تعمیراتی کام کی رفتار، سٹرکچرل ورک اور مجموعی معیار کا جائزہ لیا اور کام کو مقررہ ٹائم لائن کے مطابق مکمل کرنے سے متعلق پیش رفت کا بھی جائزہ لیا۔ انہوں نے پراجیکٹ ٹیم اور کنٹریکٹرز کو ہدایت کی کہ تعمیراتی کام میں اعلیٰ تکنیکی معیار کو ہر صورت یقینی بنایا جائے اور منصوبے کی بروقت تکمیل کے لیے تمام دستیاب وسائل بروئے کار لائے جائیں۔ انہوں نے واضح کیا کہ تعمیراتی کام میں معیار پر کوئی سمجھوتہ نہ کیا جائے اور مقررہ شیڈول کے مطابق کام کی رفتار کو مزید تیز کیا جائے۔
