لیہ: اینٹی کرپشن لیہ نے کارروائی کرتے ہوئے شہری سے ریکارڈ کی درستگی کے عوض مبینہ طور پر رشوت وصول کرنے کے الزام میں پٹواری شکیل اختر کو گرفتار کرلیا۔ تفصیلات کے مطابق ایک شہری نے اینٹی کرپشن حکام کو درخواست دی کہ پٹواری شکیل اختر نے ریکارڈ کی درستگی کے عوض اس سے 19 ہزار 200 روپے وصول کیے۔ اینٹی کرپشن حکام کی جانب سے مدعی کے موقف کی تصدیق کے بعد معاملے کا مقدمہ درج کیا گیا۔ اینٹی کرپشن ٹیم نے کارروائی کرتے ہوئے مبینہ طور پر رشوت لینے والے پٹواری شکیل اختر کو گرفتار کرلیا، جسے بعد ازاں حوالات میں بند کردیا گیا۔ اینٹی کرپشن حکام کے مطابق معاملے کی مزید قانونی کارروائی جاری ہے۔
