لیہ:ڈی پی او لیہ حسن جاوید بھٹی کی چوک اعظم میں کھلی کچہری، کھلی کچہری کے دوران شہریوں نے بھرپور شرکت کرتے ہوئے اپنے مسائل، شکایات اور تجاویز سے ڈی پی او لیہ کو آگاہ کیا، ڈی پی او لیہ نے شہریوں کی شکایات کو نہایت توجہ اور تحمل سے سنا اور متعلقہ افسران کو مسائل کے فوری اور میرٹ پر حل کے لیے ضروری احکامات جاری کیے،حسن جاوید بھٹی نے پولیس افسران کو ہدایت کی کہ شہریوں کے ساتھ خوش اخلاقی سے پیش آیا جائے، درخواستوں پر قانون کے مطابق فوری کارروائی عمل میں لائی جائے اور کسی بھی شکایت کو نظر انداز نہ کیا جائے،ڈی پی او لیہ نے کہا کہ وزیر اعلیٰ پنجاب اور آئی جی پنجاب کی ہدایت پر شہریوں کے میرٹ پر بروقت مسائل کے حل کو یقینی بنایا جا رہا ہے ، محکمہ پولیس سے کرپشن کے خاتمے کےلئے عملی اقدامات کیے جا رہے ہیں ، بد عنوانی یا اختیارات کے ناجائز استعمال کرنے والے پولیس افسران کے خؒلاف سخت محکمانہ کاروائی کی جائے گی،عوام کی شکایات کے ازالے اور پولیسنگ کے معیار کو مزید بہتر بنانے کے لیے کھلی کچہریوں کا سلسلہ جاری رکھا جائے گا۔
