لیہ: ضلع لیہ میں گڈ گورننس، شفافیت کے فروغ اور کرپٹ پریکٹسز کے خاتمہ کے لیے اقدامات جاری۔ ریجنل ڈائریکٹر اینٹی کرپشن کا ضلع لیہ کا دورہ، ڈپٹی کمشنر آصف علی ڈوگر سے ملاقات۔ وزیر اعلیٰ پنجاب مریم نواز شریف کے وژن کے مطابق گڈ گورننس، شفافیت کے فروغ اور کرپشن و کرپٹ پریکٹسز کے خاتمہ کے لیے ضلعی انتظامیہ کی جانب سے اقدامات جاری ہیں۔ اسی سلسلہ میں ریجنل ڈائریکٹر اینٹی کرپشن محمد ضیاء نے ضلع لیہ کا دورہ کیا اور ڈپٹی کمشنر آصف علی ڈوگر سے ان کے دفتر میں ملاقات کی۔ اس موقع پر ایڈیشنل ڈپٹی کمشنر جنرل شبیر احمد ڈوگر بھی موجود تھے۔ ملاقات کے دوران ضلع میں گڈ گورننس، شفافیت کے فروغ اور کرپشن کی روک تھام سمیت مختلف امور پر تبادلہ خیال کیا گیا۔ ریجنل ڈائریکٹر اینٹی کرپشن نے کہا کہ کرپشن اور کرپٹ پریکٹسز کی روک تھام کے لیے محکمہ اینٹی کرپشن عملی اقدامات اٹھا رہا ہے۔ سرکاری امور میں شفافیت کو یقینی بنانے اور کرپٹ عناصر کے خلاف قانون کے مطابق کارروائی کو مزید مؤثر بنایا جا رہا ہے۔ ڈپٹی کمشنر آصف علی ڈوگر نے کہا کہ ضلع لیہ میں شفافیت اور میرٹ کو برقرار رکھنے کے لیے بھرپور کوششیں جاری ہیں۔ عوامی خدمت اور سرکاری امور میں شفافیت ضلعی انتظامیہ کی اولین ترجیحات میں شامل ہے۔ کرپٹ عناصر کے خلاف بلاامتیاز اور فوری قانونی کارروائی عمل میں لائی جا رہی ہے، جبکہ گڈ گورننس کے فروغ کے لیے تمام دستیاب وسائل بروئے کار لائے جا رہے ہیں۔
