لیہ: اسسٹنٹ کمشنر کروڑ اصغر علی چیمہ نے سہولت بازار کا معائنہ کیا اور مختلف سٹالز پر اشیائے ضروریہ کی دستیابی، قیمتوں، معیار اور شہریوں کو فراہم کی جانے والی سہولیات کا جائزہ لیا۔
اسسٹنٹ کمشنر نے سرکاری نرخ ناموں کی موجودگی اور مقررہ نرخوں پر اشیائے ضروریہ کی فروخت کی پڑتال بھی کی۔ انہوں نے مختلف اشیاء کے معیار اور قیمتوں کا جائزہ لیتے ہوئے متعلقہ افسران کو ہدایت کی کہ عوام کو مقررہ نرخوں پر معیاری اشیائے ضروریہ کی فراہمی ہر صورت یقینی بنائی جائے۔
انہوں نے کہا کہ سہولت بازار میں شہریوں کو زیادہ سے زیادہ سہولیات فراہم کی جائیں اور اشیائے ضروریہ کی قیمتوں اور معیار کی باقاعدگی سے نگرانی جاری رکھی جائے تاکہ عوام کو ریلیف کی فراہمی یقینی بنائی جا سکے۔
