زیورخ (لیہ ٹی وی) فٹبال کی عالمی تنظیم فیفانے اعلان کیا ہے کہ فیفا ورلڈ کپ 2026 کے فاتح کو پہلی بار روایتی ورلڈ کپ ٹرافی اور گولڈ میڈلز کے ساتھ خصوصی چیمپئن شپ رنگز (انگوٹھیاں) بھی دی جائیں گی۔
فیفا کے مطابق یہ کسی بھی فیفا ٹورنامنٹ کی تاریخ میں پہلی مرتبہ ہوگا کہ فاتح ٹیم کو امریکی کھیلوں کی روایت کے مطابق خصوصی چیمپئن شپ رنگز سے نوازا جائے گا۔
اعلامیے کے مطابق ورلڈ کپ 2026 کی مناسبت سے مجموعی طور پر 2,026 رنگز تیار کی جائیں گی، جن میں سے30 رنگز فاتح ٹیم کے کھلاڑیوں، کوچنگ اسٹاف اور آفیشلز کے لیے مخصوص ہوں گی، جبکہ باقی1,996 رنگز دنیا بھر کے شائقین کے لیے آفیشل لائسنس یافتہ یادگاری مصنوعات کے طور پر فروخت کی جائیں گی۔
فیفا کا کہنا ہے کہ ہر رنگ کے ایک جانب فیفا ورلڈ کپ ٹرافی کا ڈیزائن ہوگا، جبکہ دوسری جانب فاتح ٹیم کی شناخت نمایاں کی جائے گی۔ ہر رنگ منفرد نمبر، سرٹیفکیٹ آف آتھنٹیسٹی اور متعلقہ کھلاڑی کے مطابق خصوصی سائز کے ساتھ تیار کی جائے گی۔
اعلامیے کے مطابق فائنل کے فوراً بعد فاتح ٹیم کے کپتان اور ہیڈ کوچ کو علامتی طور پر عارضی رنگز دی جائیں گی، جبکہ تمام مستقل رنگز بعد ازاں ایک خصوصی تقریب میں باضابطہ طور پر پیش کی جائیں گی۔
واضح رہے کہ فیفا ورلڈ کپ 2026 کا فائنل 19 جولائی کو نیویارک نیو جرسی اسٹیڈیم میں اسپین اور ارجنٹینا کے درمیان کھیلا جائے گا۔
