لیہ(نمائندہ لیہ ٹی وی ) وزیراعلیٰ پنجاب مریم نواز شریف کے احکامات پر عوامی مسائل کے فوری اور مؤثر حل کا سلسلہ جاری ہے۔ اسی سلسلے میں ایڈیشنل ڈپٹی کمشنر جنرل شبیر احمد ڈوگر نے اوپن ڈور پالیسی کے تحت اپنے دفتر میں آنے والے شہریوں سے ملاقات کی، ان کے انفرادی و اجتماعی مسائل تفصیل سے سنے اور مختلف درخواستوں پر موقع پر ہی متعلقہ افسران کو ضروری احکامات جاری کیے۔ایڈیشنل ڈپٹی کمشنر جنرل شبیر احمد ڈوگر نے کہا کہ وزیراعلیٰ پنجاب مریم نواز شریف کے ویژن کے مطابق عوامی خدمت، شفاف طرز حکمرانی اور شہریوں کو بروقت ریلیف کی فراہمی ضلعی انتظامیہ کی اولین ترجیح ہے۔ انہوں نے کہا کہ اوپن ڈور پالیسی کا مقصد شہریوں کو ضلعی انتظامیہ تک براہِ راست رسائی فراہم کرنا، ان کے مسائل کو ترجیحی بنیادوں پر سننا اور ان کا فوری، منصفانہ اور دیرپا حل یقینی بنانا ہے۔انہوں نے متعلقہ افسران کو ہدایت کی کہ عوامی شکایات اور درخواستوں پر بلا تاخیر کارروائی عمل میں لائی جائے، مقررہ مدت میں ان کا ازالہ یقینی بنایا جائے۔
