لیہ (نمائندہ لیہ ٹی وی) تحصیل چوبارہ کے علاقے چک نمبر 449 ٹی ڈی اے کے قریب تیز رفتار موٹر سائیکل بے قابو ہو کر درخت سے ٹکرا گئی، جس کے نتیجے میں 42 سالہ شخص جاں بحق ہو گیا۔ریسکیو 1122 کے مطابق حادثہ اس وقت پیش آیا جب محمد حنیف نامی شخص موٹر سائیکل پر سفر کر رہا تھا کہ اچانک موٹر سائیکل بے قابو ہو کر سڑک کنارے موجود درخت سے جا ٹکرائی۔ حادثے کے نتیجے میں محمد حنیف کے سر پر شدید چوٹیں آئیں اور وہ موقع پر ہی دم توڑ گیا۔اطلاع ملنے پر ریسکیو 1122 کی ٹیم فوری طور پر جائے حادثہ پر پہنچ گئی اور ضروری کارروائی کے بعد میت کو تحصیل ہیڈکوارٹر ہسپتال چوبارہ منتقل کر دیا۔ریسکیو ذرائع کے مطابق ابتدائی تحقیقات سے معلوم ہوا ہے کہ حادثہ تیز رفتاری کے باعث موٹر سائیکل کے سلپ ہونے اور درخت سے ٹکرانے کے نتیجے میں پیش آیا۔ مزید قانونی کارروائی متعلقہ ادارے انجام دے رہے ہیں۔
