لیہ(نمائندہ لیہ ٹی وی)اسسٹنٹ کمشنر چوبارہ ذوالفقار صابر کی زیر نگرانی "اپنا کھیت اپنا روزگار” سکیم کے تحت موصول ہونے والی درخواستوں کی سکروٹنی کا عمل جاری ہے۔ اس موقع پر درخواست گزاروں کی جانب سے فراہم کردہ معلومات، مطلوبہ دستاویزات اور اہلیت کے معیار کا تفصیلی جائزہ لیا جا رہا ہے۔اے سی چوبارہ ذوالفقار صابر درخواستوں کی سیکروٹنی کرتے ہوئے کہا کہ سکیم کا بنیادی مقصد کسانوں کو بہتر روزگار اور معاشی مواقع کی فراہمی ہے اور اس بات کو یقینی بنایا جا رہا ہے کہ تمام مراحل شفاف اور میرٹ کے مطابق مکمل ہوں۔انہوں نے متعلقہ عملے کو ہدایت کی کہ جانچ پڑتال کے عمل میں کسی قسم کی غفلت نہ برتی جائے اور تمام درخواستوں کو قواعد و ضوابط کے مطابق جانچا جائے۔انہوں نے کہا کہ حکومت پنجاب کے ویژن کے مطابق زرعی شعبے کی بہتری اور کسانوں کی فلاح کے لیے اس طرح کی سکیمیں اہم کردار ادا کر رہی ہیں۔
