پشاور (نمائندہ لیہ ٹی وی) خیبرپختونخوا حکومت نے زمینداروں سے 2 لاکھ 25 ہزار ٹن گندم خریدنے کا اعلان کر دیا ہے۔مشیر خزانہ خیبرپختونخوا مزمل اسلم نے بتایا کہ صوبائی حکومت اپنے وسائل سے 3500 روپے فی من کے حساب سے گندم خریدے گی تاکہ کسانوں کو ریلیف فراہم کیا جا سکے اور آٹے کے بحران پر قابو پایا جا سکے۔انہوں نے کہا کہ زمینداروں کو گندم کی سپلائی کے بعد 24 گھنٹوں کے اندر ادائیگی یقینی بنائی جائے گی تاکہ کسانوں کو بروقت مالی سہولت میسر آ سکے۔واضح رہے کہ صوبے میں امن و امان کی بگڑتی صورتحال، گیس کی بندش اور آٹے کے بحران کے باعث عوام کو شدید مشکلات کا سامنا ہے۔ اس حوالے سے سہیل افریدی نے کہا کہ وفاق کی جانب سے صوبے کو آئینی حقوق نہ ملنے کے باعث مسائل میں اضافہ ہو رہا ہے۔پشاور میں منعقدہ اجلاس میں صوبائی حکومت، اپوزیشن اور گورنر خیبرپختونخوا نے بھی موجودہ بحرانوں پر تشویش کا اظہار کرتے ہوئے مشترکہ حکمت عملی اپنانے پر زور دیا۔
