لیہ(نمائندہ لیہ ٹی وی) ایڈیشنل ڈپٹی کمشنر ریونیو عابدہ فرید کی زیر صدارت ریونیو ریکوری اہداف، پلس پروجیکٹ، کھیوٹ و میوٹیشن ایشوز اور دیگر ریونیو معاملات کے حوالے سے ایک اہم اجلاس منعقد ہوا۔ اجلاس میں ضلع بھر میں ریونیو امور کی پیشرفت، اہداف کے حصول اور عوامی مسائل کے حل سے متعلق مختلف امور کا تفصیلی جائزہ لیا گیا۔اجلاس میں متعلقہ ریونیو افسران نے شرکت کی اور ریونیو ریکوری، پلس پروجیکٹ کی موجودہ صورتحال، اراضی ریکارڈ کی درستگی اور کھیوٹ و میوٹیشن سے متعلق درپیش مسائل پر بریفنگ دی۔ افسران نے اہداف کے حصول کیلئے جاری اقدامات اور مختلف ریونیو معاملات پر پیش رفت سے بھی آگاہ کیا۔ایڈیشنل ڈپٹی کمشنر ریونیو عابدہ فرید نے ہدایت کی کہ تمام ریونیو معاملات کو میرٹ، شفافیت اور بروقت انداز میں نمٹایا جائے تاکہ عوام کو زیادہ سے زیادہ سہولت فراہم کی جا سکے۔ انہوں نے ریونیو ریکوری اہداف کے بروقت حصول، پلس پروجیکٹ کی رفتار تیز کرنے اور زمینوں کے ریکارڈ کی درستگی یقینی بنانے پر زور دیا۔انہوں نے مزید کہا کہ عوامی مسائل کے حل اور ریونیو نظام میں بہتری کیلئے تمام افسران اپنی ذمہ داریاں دیانتداری اور فرض شناسی سے انجام دیں تاکہ سروس ڈیلیوری کو مزید مؤثر بنایا جا سکے۔
