لیہ (نمائندہ لیہ ٹی وی) رمضان نگہبان دستر خوان مریم کے مہمان کے لئے انتظامات شروع۔ ضلع بھر میں 24 رمضان نگہبان دستر خوان لگائے جائیں گے۔ ہر تحصیل میں روزہ داروں کے لئے 8 رمضان نگہبان دستر خوان سجائے جائیں گے۔ اس سلسلہ میں ڈپٹی کمشنر آصف علی ڈوگر کی زیر صدارت رمضان نگہبان دستر خوان کے انتظامات کا جائزہ اجلاس کمیٹی روم میں منعقد ہوا۔ اجلاس میں ایڈیشنل ڈپٹی کمشنر جنرل شبیر احمد ڈوگر اور متعلقہ افسران نے شرکت کی۔ ڈپٹی کمشنر آصف علی ڈوگر نے اجلاس سے خطاب کرتے ہوئے کہا کہ ہر رمضان نگہبان دستر خوان سے ڈھائی سو سے زیادہ روزہ دار افطاری کریں گے۔ انہوں نے ہدایت کی کہ رمضان نگہبان دستر خوان کے لئے بہترین انتظامات کئے جائیں۔ کھانے کی کوالٹی، صفائی، نظم ضبط کا خصوصی اہتمام کیا جائے۔ ڈپٹی کمشنر نے کہا کہ متعلقہ اسسٹنٹ کمشنرز تمام امور کی نگرانی کریں گے۔
