رمضان نگہبان کارڈ اور رمضان بازار کا جائزہ اجلاس،ضلع لیہ کے 30 ہزار سے زائد خاندان مستفید ہوں گے

لیہ (نمائندہ لیہ ٹی وی) وزیر اعلیٰ پنجاب مریم نواز شریف کے پروگرام رمضان نگہبان کارڈ سے ضلع لیہ کے 30 ہزار سے زائد خاندان مستفید ہوں گے۔ اس سلسلہ میں ایڈیشنل ڈپٹی کمشنر جنرل شبیر احمد ڈوگر کی زیر صدارت رمضان نگہبان کارڈ اور رمضان بازار کا جائزہ اجلاس منعقد ہوا۔ اجلاس میں اسسٹنٹ کمشنرز ندیم ارشد، کلیم اللہ خان، ایس ڈی ای او پیرا ام حبیبہ قریشی، ڈی ایس پی محمد حیات، ایڈیشنل ڈائریکٹر لائیو سٹاک ڈاکٹر طارق گدارہ، ای اے ڈی اے عمران ستار، ڈی ایف سی عامر سعید، ڈپٹی ڈائریکٹر فوڈ اتھارٹی وقار بودلہ، اسسٹنٹ ڈائریکٹر زراعت محمد طلحہ، صدر انجمن تاجران اظہر ہانس اور متعلقہ افسران نے شرکت کی۔ ایڈیشنل ڈپٹی کمشنر جنرل شبیر احمد ڈوگر نے اجلاس سے خطاب کرتے ہوئے کہا کہ وزیر اعلیٰ پنجاب مریم نواز شریف کے پروگرام رمضان نگہبان کارڈ سے پی ایس ای آر کے رجسٹرڈ اور مستحق افراد مستفید ہوں گے۔ ان افراد کو اے ٹی ایم کارڈ کے ذریعے دس ہزار روپے تک کی امداد دی جائے گی۔انہوں نے کہا کہ مستحق افراد کو رمضان نگہبان کارڈ ان کے گھر پہنچایا جائے گا اور کارڈ کے صحیح استعمال کے لئے متعلقہ فرد کی بائیو میٹرک سے ہی کارڈ ایکٹیویٹ ہوگا۔ اے ڈی سی جی نے کہا کہ متعلقہ محکمہ رمضان نگہبان کارڈ کی مستحق افراد تک ڈیلوری کے عمل کو بروقت اور سہل بنائیں۔ ایڈیشنل ڈپٹی کمشنر جنرل نے سہولت بازار میں رمضان المبارک کے کاؤنٹرز کے قیام کے لئے اقدامات کا بھی جائزہ لیا۔ انہوں نے کہا کہ انجمن تاجران رمضان بازار میں کاؤنٹر کے قیام کے لئے اپنا کردار ادا کریں، ضلعی انتظامیہ بھرپور تعاون کرے گی۔