لیہ (نمائندہ لیہ ٹی وی) شب برات کے موقع پر لیہ پولیس کی طرف سے فول پروف سکیورٹی انتظامات کیے گئے ،ڈی پی او لیہ حسن جاوید بھٹی کی ہدایت پر شب برات کو پر امن بنانے اور فرزندان اسلام کے بھر پور تحفظ کےلئے لیہ پولیس کی طرف سے سکیورٹی کے سخت انتظامات کیے گئے ،ضلع کی اہم مساجد پر مسلح پولیس اہلکار تعینات کیے گئے ،مساجد کے اطراف میں موئثر گشت کےلئے تھانہ جات کی موبائل ہائے مامور کی گئی ،سپر وائزر افسران کو ڈیوٹی کو الرٹ رکھنے ،چیک کرنے اور بریف کرنے کی ہدایت کی گئی ۔
