ملتان(لیہ ٹی وی)وزیراعلی پنجاب مریم نواز نے صحت عامہ کی بہترین سہولیات کیلئے ڈویژنل انتظامیہ کو ٹاسک سونپ دیا۔کمشنر عامر کریم خاں کے محکمہ صحت کیلئے شہباز شریف ہسپتال کا دورہ کیا اور وارڈز کا معائنہ کیا۔انہوں نے نے مریضوں سے طبی سہولیات بارے بات چیت کی اور کہا کہ شہریوں کی سہولت کیلئے دستیاب ادویات و سروسز واضح آویزاں کروائی گئیں۔ شہریوں کی رہنمائی کیلئے فیسلٹیشن ڈیسک قائم کئے گئے۔ کمشنر عامر کریم خاں نے ایمرجنسی وارڈز،گائنی یونٹ سمیت ہسپتال کے مختلف شعبوں کا دورہ کیا۔انہوں نے کہا کہ وزیر اعلیٰ پنجاب مریم نواز کا صحت کے شعبے پر خصوصی فوکس ہے۔شہباز شریف ہسپتال کو اپ گریڈ کرکے عوام کو ریلیف فراہم کرینگے۔ تمام بنیادی مراکز صحت اور ہسپتالوں میں نئے وارڈز اور طبی آلات فراہم کئے گئے ہیں۔ ڈپٹی کمشنر محمد علی بخاری نے بتایا کہ شہباز شریف ہسپتال میں جدید سی ٹی سکین میشن مکمل فعال ہوچکی ہے۔ہسپتالوں میں ضروری ادویات فراہمی کیلئے ہیلتھ کونسلز کو فنڈز فراہم کئے گئے ہیں۔ایم ایس شہباز شریف ہسپتال ڈاکٹر نذیر ہراج نے سہولیات پر بریفننگ دی۔
