بہاولپور: ہیڈ ٹیچرز ٹریننگ سے تعلیمی معیار اور انتظامی امور میں انقلابی بہتری کی جانب قدم

بہاولپور(نمائندہ لیہ ٹی وی )ہیڈ ٹیچرز ٹریننگ آن لیڈرشپ کا مقصد سکولوں کے انتظامی امور میں بہتری اور کوالٹی آف ایجوکیشن کو بہتر بنانا ہے، اسکول بیسڈ اسسمنٹ کے ذریعے بچوں کے سیکھنے کی استعداد کار کو بڑھانے پر توجہ دی جا رہی ہے، ان خیالات کا اظہار ایڈیشنل سیکرٹری اسکول ایجوکیشن جنوبی پنجاب خواجہ مظہر الحق نے بہاول پور میں اسکول بیسڈ اسسمنٹ اور ہیڈ ٹیچرزٹریننگ آن لیڈرشپ کے عمل کا جائزہ لیتے ہوئے کہی، اس موقع پر سیکشن آفیسر میڈم حنا چوہدری اور سی ای او ایجوکیشن بہاول پور توکل حسین سمیت دیگر تعلیمی افسران بھی ان کے ہمراہ تھے، ایڈیشنل سیکرٹری خواجہ مظہر الحق نے کہا کہ وزیراعلیٰ پنجاب مریم نواز شریف کے تعلیمی ترقی کے ویژن اور سیکرٹری اسکول ایجوکیشن پنجاب خالد نذیر وٹو کی ہدایات کے مطابق سکولوں میں تعلیمی ماحول اور تعلیمی معیار کی بہتری کے لیے موثر اقدامات کیے جا رہے ہیں، انہوں نے کہا کہ ہیڈ ٹیچرزٹریننگ آن لیڈرشپ کے انعقاد سے اساتذہ کو نئے ماڈیولز کے مطابق تربیت دے کر کوالٹی آف ایجوکیشن کو بہتر بنانے پر توجہ دی جا رہی ہے، حکومتی اقدامات سے اساتذہ طلبہ کو پڑھانے کی نئی تکنیک سے آشنا ہوں گے۔