لیہ : لدھانہ پیر جگی روڈ پر چک نمبر 168/TDA کے قریب موٹر سائیکل کی ٹکر سے ایک شخص جاں بحق جبکہ نوجوان زخمی ہو گیا۔ ریسکیو 1122 کے مطابق حادثے میں 40 سالہ محمد افضل سر پر شدید چوٹ لگنے کے باعث موقع پر ہی دم توڑ گیا، جبکہ 22 سالہ محمد عمر سر پر زخم آنے سے زخمی ہوا۔ اطلاع ملنے پر ریسکیو ٹیم جائے حادثہ پر پہنچ گئی اور زخمی کو ابتدائی طبی امداد فراہم کرنے کے بعد ڈی ایچ کیو ہسپتال لیہ منتقل کر دیا۔ ریسکیو حکام کے مطابق جاں بحق شخص کے لواحقین نے میت ہسپتال منتقل کرنے سے انکار کیا اور اپنی گاڑی میں گھر لے گئے۔
