بہادر ڈیجیٹل لائبریری کے رکے منصوبے کا دوبارہ آغاز اشفاق احمد چوہدری نے تعلیمی ترقی کے اہم منصوبے کو بروقت مکمل کرنے کی ہدایت کر دی

لیہ(نمائندہ لیہ ٹی وی )کمشنر ڈیرہ غازی خان ڈویژن اشفاق احمد چوہدری نے بہادر ڈیجیٹل لائبریری میں عرصہ دراز سے رکے ہوئے ترقیاتی کام کے دوبارہ آغاز کے حوالے سے دورہ کیا اور پیش رفت کا جائزہ لیا۔اس موقع پر ڈپٹی کمشنر لیہ آصف علی ڈوگر نے منصوبے کی موجودہ صورتحال اور آئندہ لائحہ عمل پر تفصیلی بریفنگ دی۔کمشنر اشفاق احمد چوہدری نے بہادر ڈیجیٹل لائبریری کے منصوبے کو تعلیمی ترقی کے لیے اہم قرار دیتے ہوئے ضلعی انتظامیہ لیہ کی کاوشوں کو سراہا اور ہدایت کی کہ کام کو بروقت اور معیاری انداز میں مکمل کیا جائے۔